БҚО тарихи-өлкетану музейі сыйлық сертификаттарын сатуды бастады

Батыс Қазақстан облыстық тарихи-өлкетану музейі тұрғындар мен қала қонақтары үшін жаңа қызмет түрін ұсынады. Енді музейге баруға және экскурсиялық саяхаттарға арналған арнайы сыйлық сертификаттары ресми түрде сатылымға шықты.

Сертификат иелері музейдің негізгі экспозициялық залдарымен танысып, көне дәуірлерден жеткен құнды жәдігерлерді тамашалауға, сондай-ақ Орал қаласының тарихи орындары бойынша ұйымдастырылатын арнайы экскурсияларға қатысуға мүмкіндік алады. Бұл қызмет түрі жақындарыңызға, әріптестеріңізге немесе қала қонақтарына танымдық әрі мәдени демалыс сыйлауға бағытталған.

Сыйлық сертификаттарын облыстық тарихи-өлкетану музейінің кассасынан сатып алуға болады. Толық ақпаратты және брондау шарттарын музейдің анықтама телефоны арқылы білуге болады.