Батыс Қазақстан облыстық тарихи-өлкетану музейінде жүзеге асып жатқан «Көне кітаптар мен қолжазбалар, фотосуреттерді жинау» жобасы аясында музей қоры тағы да құнды жәдігерлермен толықты.

Қаламыздың тұрғыны Жұбантаев Бақтығали мырза музейге бірқатар сирек материалдарды табыстады. Олардың ішінде:
1930 жылы жарық көрген «Еңбекші қазақ» газетінің қиындысы,
1894 жылы, 18 қамалда жазылған, ескі араб әліпбиіндегі «Бәйтнама» атты діни-уағыздық мазмұндағы өлең жолдары бар.

Бұл жәдігерлер – халқымыздың бай тарихы мен мәдени мұрасынан сыр шертетін асыл қазыналар.