БҚО музейі Мұстақым Ықсановтың 100 жылдығына орай ЖИ-байқау жариялады

Батыс Қазақстан облыстық тарихи-өлкетану музейі мемлекет және қоғам қайраткері Мұстақым Ықсановтың 100 жылдық мерейтойына орай мектеп оқушылары арасында «Мұстақым Ықсанов – жас ұрпақ көзімен» атты жасанды интеллект көмегімен әзірленетін бейнероликтер байқауын өткізеді.

Байқаудың басты мақсаты — ел тарихында ерекше орны бар тұлғаның өмірі мен еңбегін жас ұрпаққа таныту, сонымен бірге оқушыларды заманауи ЖИ-технологияларын шығармашылық бағытта тиімді қолдануға ынталандыру.

Байқауға 10-16 жас аралығындағы мектеп оқушылары жекелей де, шығармашылық топ құрамында да қатыса алады.

Қатысушылар жасанды интеллект мүмкіндіктерін пайдалана отырып, 2-3 минуттық бейнеролик әзірлеуі қажет. Бейнематериал тарихи деректерге негізделіп, қазақ тілінде дайындалуы тиіс (басқа тілдегі роликтерге қазақша субтитр қосылады).

Байқау бағыттары:

• «Мұстақым Ықсанов кім?»

• «Ақ Жайықтың дамуына қосқан үлесі»

• «Архивтегі бір сурет – бір тарих»

• «Еңбекпен өрілген ел тарихы»

Үздік деп танылған жұмыстарға ақшалай жүлделер беріледі:

• 🥇 I орын — 50 000 теңге

• 🥈 II орын — 30 000 теңге

• 🥉 III орын — 20 000 теңге

Сонымен қатар жеңімпаздар «Үздік тарихи зерттеу», «Үздік ЖИ-анимация», «Үздік шығармашылық идея» және «Көрермен көзайымы» сияқты арнайы номинациялармен марапатталады. Салтанатты марапаттау рәсімі Мұстақым Ықсановқа арналған көрменің ашылуында өтеді.

• 📩 Жұмыстарды қабылдау поштасы: muzeizko@mail.ru

• ☎️ Анықтама телефоны: +7 747 162 51 03

• 📍 Мекенжайымыз: Орал қаласы, Н.Назарбаев даңғылы, 184