Мемлекеттік рәміздер – ұлт рухы мен бірлігінің нышаны

Бүгінгі жұмыс күнін музей қызметкерлері Рәміздер күніне құрмет ретінде әнұранмен бастады.

Мемлекеттік рәміздер жай ғана нышандар емес. Олар – халқымыздың азаттық жолындағы арман-мұратының, ел бірлігі мен тәуелсіздігінің айқын көрінісі. Әр рәміздің шығу тарихында ұлт пен елдің тарихы, азаттық үшін күрескен бабалар аманаты және Тәуелсіз Қазақстанның болашағына деген сенім жатыр.

Рәміздерді құрметтеу – Отанды құрметтеу. Ал оларды қадірлеу — әр азаматтың парызы.